Ұшқыш сутекті қосылысы HR болатын элемент

Тапсырма мәтіні

Периодтық заң және химиялық элементтердің периодтық жүйесі. Д.И.Менделеев химиялық элементтерді олардың қасиеттеріне қарай жіктеді. Периодтық жүйеде химиялық элементтер атомдық массаларының өсу ретімен орналасқан. Элементтердің горизонталь қатарлары период деп аталады. Периодтық жүйе жеті периодтан тұрады. Периодтар кіші және үлкен деп екіге бөлінеді. Периодтық жүйедегі тік қатарлардағы элементтердің және олардың қосылыстарының да қасиеттері өзара ұқсас болады. Олар топтар деп аталады, олардың саны сегіз. Периодтық кестенің төменгі сол жағында металдар, ал жоғары оң жағында бейметалдар орналасқан. Периодтық заң 1869 жылы былай тұжырымдалды: Элементтердің, олар түзетін жай заттардың, сондай-ақ олардың қосылыстарының қасиеттері элементтердің атомдық массаларына периодты тәуелді. 1911 жылы атом құрылысы ашылғаннан кейін периодтық заң жаңа тұжырымға ие болды: «элементтердің және олар түзетін жай және күрделі заттардың қасиеттері атом ядросының зарядына периодты тәуелділікте болады». Периодтық заң химиялық элементтердің периодтық жүйесі кестесімен бейнеленеді.