Менделеевтің периодтық жүйесіндегі неше элемент Қазақстан жер қойнауында анықталған?

Тапсырма мәтіні

Минералдық-шикізат ресурстарының саны мен алуан түрлілігі жағынан Қазақстан әлемдегі ең бай елдердің қатарына жатады. «EconRus» елтанулық каталогының мәліметіне сәйкес, Қазақстан табиғи ресурстар қоры бойынша Ресей, Қытай, Аустралия, АҚШ және Бразилиямен қатар әлемдегі жетекші орындардың бірін алады. Ресми деректер бойынша, Менделеевтің периодтық жүйесіндегі 118 элементтің 99-ы Қазақстан жер қойнауында анықталған, 70 элемент бойынша қорлары барланған, ал 60-тан астам элемент өндірісте пайдаланылуда. Қазақстандағы пайдалы қазбалардың бар қорына жүргізілген геологиялық-экономикалық бағалау нәтижелері бойынша экономикалық маңызы ең жоғары ресурстарға көмір, мұнай, темір, қорғасын, мырыш, хромиттер, алтын және марганец жатады. Қазіргі уақытта минералдық-шикізат өнімдері Қазақстан экспорты мен валюталық түсімдерінің негізгі бөлігін құрайды. Минералдық кен орындары ел аумағында біркелкі орналаспаған. Мұнай мен газ қоры еліміздің батыс өңірінде шоғырланған, ал көмір, қара және түсті металдардың кендері орталық және шығыс аймақтарда орналасқан. Қазақстанның көптеген өңірлері геологтар тарапынан әлі толық зерттелмеген. Соның салдарынан ескі кен орындары біртіндеп сарқылып, жаңа кен орындарын ашу үшін уақыт пен қаржы қажет.